أغلق الدكتور أحمد زكي تليفونه ...و كده رضا

في محاولة كثير من الصحفيين للاتصال بالدكتور أحمد زكي بدر " لمحاولة معرفة كم الاموال التي صرفت علي الحفلات " بعد تصريح مسئول بالجامعة لصحيفة المصري اليوم أنهم 150 الف جنيه بس " لا غير "
و بعد ظهور أمين الاتحاد " أحمد لطفي - تربية عين شمس " في مكالمة تليفزيونية لبرنامج يناقش هذه المهزلة ...و قال دا كلهم ما يعدوش 5 الاف جنيه ....مش عارفين بقي لإما مسئول الجامعة بيكذب " و دا راجل في موقع مسئول " لإما امين الاتحاد بيكذب " و دا طالب " .....
الغريبة بقي إن الدكتور أحمد زكي بيقول و ماله لما نفرفش ...و أحمد لطفي " أمين الجامعة " برده بيقول و ماله لما نفرفش ....و يبدو إن الاتنين قرروا يفرفشوا علي ألام الطلبة من زيادة المصاريف و ارتضوا التضحية بالطلبة و مستقبل الجامعة مقابل إنهم يفرفشوا ........و عشان ما حدش يزعجهم و هما بيفرفشوا عشان كده نعتقد إن الدكتور احمد زكي بدر أغلق تليفونه " مش خوفا من الصحفيين ذي ما بيقولوا "

في مشهد جميل بيبين الفرفشة اللي دكترو الجامعة و أمين الاتحاد وصلولها ..

من فيلم كده رضا ........نترككم مع المشهد

أكتب مطالب كليتك في التعليقات

حقي رابطة طلابية 100% بنحاول ندور علي حقوق الطلاب الضايعة و عشان كده حبينا نشارك الطلبة معانا في همومها و مطالبها ...عايزين نطالب بحقوق الطلاب ...بس يا تري ايه هي حقوق الطلاب دي ؟؟؟
صحيح أحنا عارفين بعضها بس أكيد في كل كلية حقوق ضايعة عن كليات أخري
ياريت يا شباب يكون ده بداية التغيير في كلياتنا ....أحنا كلنا طلاب بنخاف علي مصلحتنا ...ياريت كلنا نكتب هنا في التعليقات ايه المشاكل و المطالب اللي بنطالب بيها في كلياتنا و نكتب كلية ايه ...يلا اكتب كل حاجة تخطر علي ذهنك و لما تيجي حاجة كمان أبقي اكتبها ..أهم حاجة متكسلش و اكتب كل حاجة علي طول ....

حقي تشارك في مؤتمر القاهرة الدولي

صورة من البرشور الموزع في مؤتمر القاهرة

شاركت رابطة حقي الطلابية في مؤتمر القاهرة الدولي المنعقد في القاهرة بنقابة الصحفيين و قد كان الكثير من رواد المؤتمر سواء من طلاب الجامعات الاخري أو المشاركين مرحبين جدا برابطة حقي و معجبين بأن الطلاب ما زالوا بهذا الوعي ....و تقدم الكثير منهم بطلب إلي أعضاء رابطة حقي للمشاركة في أكثر من ندوة لشرح فكرتهم علي الجميع ....و عقد بعض الصحفيين لقاءات مع ممثلي الرابطة

ووزع طلاب الرابطة علي الحضور بورشورا لاقي إعجاب الجميع

ازاي تنضم لرابطة حقي و تبقي عضو فيها

لو عايز تبقي عضو في رابطة حقي الطلابية و نفسك تشترك معانا ....أبعت اسمك وكليتك و دفعتك علي ايميل المدونة haaee_blog@hotmail.com و لو أمكن رقم الموبايل عشان نتصل بيك و نديك كارنيه الرابطة .....

رابطة حقي " مش عايز غير حقي "

رئيس الجامعة ....و فيلم عايز حقي

حاول رئيس الجامعة التنصل من ما اشيع في الجرائد من هجمة شرسة ضده نتيجة بعده التام عن الواقع الطلابي و خصوصا بعد اختياره كأسوء رئيس جامعة مصرية و قال إن الحفلات بيعملها الاتحاد و هو اللي مسئول عنها ......طيب ما هو أنت اللي عينت طلاب الاتحاد " و ما عملتش انتخابات في الجامعة " يبقي تستاهل اللي يجي من تحت دماغهم ....و لا هما طلبة الاتحاد بيمشوا كلمتهم غصب عن رئيس الجامعة
نفهمها دي بقي ؟؟!!!!
يارئيس الجامعة أحنا اتمنعنا من اننا نقابلك ....معانا طلبة كتير عندهم مشاكل في التعليم ...خايفين ياريس علي الجامعة ... عايزين جامعتنا احسن جامعة ...معانا شباب و بنات عايزين يتعلموا بجد ياريس مش سلق بيض ....ياريس أوعي تسمع لطلبة الاتحاد و الامن دول بيدوك تقارير تقولك إن الطلبة معاها فلوس و الجامعة مية مية ...أنزل اسأل الطلبة و أنت تعرف يارئيس الطلبة حالهم عامل ازاي ..ياريس مرة واحدة تعملها قبل ما التاريخ يقول إنك فعلا اسوء رئيس جامعة

و نحب نهديك الكليب ده من فيلم عايز حقي
عشان أحنا طلبة عايزين حقوقنا

حكاية كليب التحرش الجنسي

قام أحد طلاب رابطة حقي و أثناء خروجه من الجامعة بعد الغاء عميد الكلية محاضرة لاعتراض الطلاب علي الحفلات ...بتصوير هذا المشهد الغير لائق بقدسية الحرم الجامعي ....و نظرا لأننا لم نكن نود نشره و تأخرنا كثيرا في ذلك فنحن نملك الفيديو منذ أكثر من 3 اسابيع و قلنا لعمداء الكليات إن الحفلات فيها تحرش جنسي و اهدار للمال العام ....فأستعجب البعض ول م يصدق لابعض

أما الدكتور أحمد زكي بدر فقد اتهمنا عبر الصحف بالظلاميين و الانقلابيين و مثيري الشائعات في الجامعة و هذا في جرايد الحكومة و بدأ يرسل للصحف بأن هذا لم يحدث و اللي عنده دليل يوريني ....

من هذا المنطلق اردنا ارسال رسالة مفادها أننا نملك الادلة و البراهين مش بنقول كلام زي ناس و السلام

مش بنروج لشائعات ذي ناس برده ..مش بنخدر الطلبة و نقول كلام و أحنا مش قده

فنشرنا الصورفقط فطلع علينا طلبة الاتحاد و قالوا ...دا مش في الجامعة دا منظر مفبركينه من أي حتة و مش دليل ....فكان لا بد من وضع النقاط علي الحروف فأخترنا اقل هذه المشاهد " و لا تظهر اي بنسبة معقولة وش البنت عشان ما تبقاش فضيحة و لو انها فضحت نفسها في الحفلة بما فيه الكفاية بس مالناش دعوة و نشرنا الفيديو ليضع كل من مسرفي الاموال و مصاصين فلوس الطلبة ايديهم علي افواههم فلا نسمع لهم صوتا ...طبعا رئيس الجامعة من ساعتها ما بيردش علي صحافة لأنه خايف يرد ...و أظن لو رد هنوريه باقي الفيديوهات و ازاي الجامعة في عهد سيادته اتحولت لكباريه ...و أسألوا الامن كام قضية اداب اتعملت في الحفلات دي و لا انتوا كنت قاعدين تتفرجوا و خلاص ؟؟؟"

أحتراما لرأي محبي رابطة حقي فأحنا هنشيل نشره عشان الذوق العام.

بس لو رئيس الجامعة أنكر أعتقد أن إننا في الحالة دي ممكن ننشر فيديوهات تانية بس ساعتها مش هتقدر تفتح عينك من كتر القرف

حقي ترفع بلاغ للنائب العام ضد رئيس الجامعة

تقدم أحد طلاب رابطة حقي ببلاغ إلي النائب العام ضد الدكتور أحمد زكي بدر لإهداره أموال الطلاب
في حفلات لا طائل منها في خدمة العملية التعليمية في حين تحتاج الجامعة إلي هذه الاموال لتطوير المعامل و الحمامات و الخدمات العامة
و قد حاولت جريدة البديل اثناء متابعة القضية الاتصال برئيس الجامعة لمعرفة اقواله تجاه هذا الموقف ...لكنه لا يرد علي تليفونات " معلش يمكن محرج "

رأي الطلبة في التطوير و زيادة المصاريف !!

ده رأي الطلبة في زيادة المصاريف

ما حدش شاف اي تطوير خالص

حرام عليكم الاتحاد صرف الفلوس علي نفسه

مطلوب اقالة أسوء رئيس جامعة

أضغط علي الصورة للتكبير

كتبت جريدة الدستور اليومي تحقيقا صحفيا عن الدكتور أحمد زكي بدر و الذي أختير اسوء رئيس جامعة مصرية في تاريخ جامعة عين شمس و قد وصف التحقيق الدكتور بأنه حول الجامعة غلي وزارة داخلية جديدة فقد قرب الدكتور منه الامن و استبعد الطلاب و الدكاترة و العمال ....و هو ما سبب كره الجميع له

و قد وصف التقرير أهدار الرئيس للمال العام للطلاب و ذكر ايضا احداث البلطجة في الجامعة التي تكررت في عهده

حزمي يا رئيس الجامعة في الدستور

اضغط لتكبير الصورة

نشرت جريدة الدستور الاسبوعية خبرا عن المجلة الساخرة التي قامت بتوزيعها رابطة حقي بالجامعة

و نقلت رد فعل الطلاب ايزاء اهدار المال العام

أعضاء هيئة التديس اعترضوا علي الحفلات مع الطلبة

نقلا عن جريدة المسائية ...الصفحة الاولي

شن أعضاء هيئة التدريس بجامعة عين شمس هجوما عنيفا ضد رئيس الجامعة اعتراضا علي تنظيم الحفلات الغنائية بصفة اسبوعية داخل الحرم الجامعي و تحويل الجامعة إلي كباريه نهاري و بؤر للتحرش بين الشباب الجامعي
و أكد أعضاء هيئة التدريس و الطلاب أن الجامعة قامت بزيادة المصاريف هذا العام بنسبة 400 %و يتم إهدار هذه الاموال علي الفنانين و فرقهم و الحفلات الصاخبة في الوقت الذي تحتاج فيه المعامل و المنشآت إلي هذه الاموال بالاضافة إلي عدم الم المقعدد كطبير من الطلاب علي سداد هذه الزيادات
و حصات المسائية علي شريط فيديو و مقتطفات لهذه الحفلات يظهر بها التحرش الجنسي بين الطلبة و الطالبات كما توضحه الصور مستغلين الزحام و الصخب

أشارت د/ هدي اباظة استاذة الادب أن اقامة الحفلات تتسبب في إغلاق ابواب الجامعة في الصباح الباكر و تعطل دخول و خروج السيارات و تضييع المحاضرات كما أن الصوت العالي للميكروفونات يشوش علي الطلبة
و قالت إن مصاعد كلية الاداب معطلة منذ أكثر من 10 سنوات و لم يفكر أحد في تصليحها من أموال هذه الحفلات

و أضاف د / أحمد دياب الاستاذ بالالسن و عضو مجلس الشعب أن ما يحدث داخل هذه الحفلات لا يوصف إلا بالمهازل و تساءل كيف تتحول القاعات غلي عروض للازياء الساخنة و ملاهي للتحرشات و الغناء و طالب بضرورة الكشف عن مصادر تمويل الحفلات لإلهاء الشباب عما يجري في البلد و تخديرهم عن الواقع

و أكد د/ طارق اسعد استاذ الطب النفسي بالجامعة أن الانشطة الطلابية مفيدة و مطلوبة لكن المرفوض اقامة الحفلات الصاخبة و اهدار قدسية الحرم الجامعي و استنكر توزيع دروع الجامعة العلمية علي المطربين و الراقصين بدلا من توزيعها علي الكفاءات العلمية

احمد زكي اسوء رئيس جامعة في استفاتاء عام بمؤتمر القاهرة الدولي

حصل الدكتور أحمد زكي بدر في استفتاء عام بمؤتمر القاهرة الدولي المنعقد منذ ايام علي لقب اسوء رئيس جامعة مصرية من بين 17 جامعة مصرية و هذا نتيجة لما تشهده الجامعة من تردي للأوضاع منذ أن تم تعينه رئيسا لها

محمود مات يا رجالة ...و مش عايزنة نطالب بحقوقنا ؟؟!!!!

محمود السعيد ابراهيم طالب في الفرقة الثانية بكلية الحقوق جامعة حلوان محمود مصاب بتضخم في عضلة القلب أثناء يومه الدراسي الأحد 24 فبراير 2008أصابته حالة إغماء جرى به زملاؤه على الوحدات العلاجية الثمانية الموجودة داخل أسوار الجامعة ولكن تبقى حقيقة الإهمال قائمةالوحدات الثمانية أغلقت أبوابها مع العلم أن محمود أصابه التعب في الخامسة ومحاضرات كلية الحقوق مستمرة حتى الثامنة مساءا حاول زملاؤه عبثا ايصاله إلى مستشفى الجامعة بحلوان ولكن الاهمال لم يتوقف عند حد اغلاق الوحدات الصحية بالجامعةففي الجامعة بكاملها ولخدمة 150 ألف طالب توجد 3 سيارات اسعاف لم تنواجد منهم واحدة أثناء سقوط محمود فسيارتان غير متواجدتان والثالثة معطلةوحتى الخامسة و النصف مامن مجيبحتى استجاب للموقف أحد الأساتذة الذي أوصل محمود وزملاؤه إلى مستشفى الجامعة بسيارته الخاصة ولكن الوقت كان قد فات وصعدت روح محمود إلى بارئها

ياجماعة أحنا محتاجين كام محمود يموت عشان نطالب بحقوقنا ...محتاجين كام محمود يموت عشان يقولوا إن يحطوا عربيات إسعاف في الجامعات المصرية ...محتاجين كام محمود يموت عشان يحسنوا الخدمات الطبية " و لا هما بس يزودوا المصاريف علي الطلبة " و الخدمات ما تتحسنش " و الطلبة تموت " ...........!!! لازم نطالب بحقنا قبل ما يجي الدور علينا و نموت أحنا كمان

مسؤول بالجامعة :150 الف جنيه تم صرفهم علي الحفلات

استغل عدد كبير من طلاب جامعة عين شمس، وجودهم داخل نقابة الصحفيين أمس الأول للمشاركة في ندوة «البلطجة داخل الجامعات»، وأطلقوا سيلاً من الهتافات التي تدعو لإقصاء الدكتور أحمد زكي بدر، رئيس جامعة عين شمس، الذي اختاروه «أسوأ رئيس جامعة» في مسابقة أجروها علي هامش الندوة، عن منصبه بسبب كثرة استضافة الحرم الجامعي الحفلات الغنائية.
ووصف الطلاب، في الندوة التي عقدت ضمن فعاليات مؤتمر القاهرة السادس، هذه الحفلات بـ«الفاضحة»، والتي لا تليق بالرسالة التعليمية للجامعة، معربين عن اندهاشهم من إقدام الجامعة علي تنظيم هذه الحفلات باهظة التكاليف، في الوقت الذي يعاني فيه الطلاب من غلاء المصروفات الدراسية.
وتساءل الطالب محمد حسام، بكلية الآداب، قائلاً: «ليه أربع حفلات في أقل من شهر؟ ولماذا تنظم الحفلات بالقرب من مواعيد الوقفات الاحتجاجية والمظاهرات التي ينظمها طلاب الجامعة لإعلان رأيهم وموقفهم في موضوع ما؟». في حين وصفت الطالبة فاتن عبدالناصر «رابعة آداب إعلام»، هذه الحفلات بأنها «حاجة لا تطاق»، وقالت: «الجامعات في الأصل للتعليم وليست لإقامة الحفلات، وإذا أرادت الجامعة تنظيم الحفلات فيجب أن تكون في أيام الإجازات».
من جانبه، أكد أحمد لطفي، أمين اتحاد طلاب جامعة عين شمس، المنظم لحفلات الجامعة، أن الحفلات الثلاث التي نظمت في الحرم الجامعي لم تعطل حركة اليوم الدراسي أو المناهج الدراسية، فأساتذة الجامعات أضربوا يوماً كاملاً عن الدراسة، فهل معني ذلك أن نتهمهم بالإهمال أو التقصير، بالإضافة إلي أن مكان الحفلات بعيد تماماً عن المدرجات الدراسية، حيث تم تنظيمها أمام قصر الزعفران.
ونفي مصدر مسؤول بجامعة عين شمس أن تكون الجامعة قد صرفت علي إقامة حفل الفنان محمد منير مبلغ ٢٠٠ ألف جنيه كما تردد، مشيراً إلي أن ما تم صرفه حوالي ١٥٠ ألف جنيه علي خمس حفلات، بواقع ٢٥ ألف جنيه علي كل حفلة.
وقال المصدر إن المبالغ التي صرفتها الجامعة صُرفت علي الأجهزة والفرق الموسيقية وليس كأجر للفنان، وأشار إلي أن الفنانين جاءوا كمتبرعين للغناء.

من المسئول !!!!

لما سألنا ليه المصاريف زادت قالوا عشان نطور الجامعة و لما قابلنا المسئولين قالوا التغيير هتحسوا بيه أخر السنة ..." المعامل هتطور و الجامعة هتتغير و الحمامات هتبقي مية مية و كل حاجة هتبقي تمام و مصلحة الطالب أولا "

طيب جينا اخر السنة " ما لقيناش أي حاجة اتغيرت سوي مزيد من التدهور الجامعي ....لا الحمامات بقت أدمية و لا المعامل بقت كويسة و لا الجامعة اتطورت ....فعرفنا فلوسنا بتروح فين "

فلوسنا خدها المطربين و راحت علي الرقاصين ..فلوسنا اتصرفت علي تنظيم الحفلات اللي لا خدنا منها

بقرش صاغ أي حاجة ....و الطلبة لسه بتشتكي و بتسأل فين الفلوس ؟؟؟؟ و من المسئول عن إهدار أموال الطلاب ؟؟؟؟

طبعا بعد ما الاتحاد لقي الطلاب بتسأله إزاي يضيع الفلوس علي حفلات الرقص و المسخرة بدل ما يعمل انشطة تفيد الطلاب أو يحسنوا مستوي الخدمات أو يطوروا المعامل أو يدعموا الكتاب الجامعي
ما لقاش مفر من أنه يزود كلمتين علي الدعايا "اللي بالالوان "و يقول إن الحفلات تدعيم لصندوق دعم الطلاب طيب إزاي ؟؟؟؟

ما هي حاجة من الاتنين ما لهاش تالت " يا إما العالم دي مش فاهمة و ورطت نفسها يا إما بتشتغلنا "ليه بقي ؟؟

ما هي الحفلة لو بتذاكر و الطالب هيدفع الفلوس عشان يدعم صندوق الطلاب يبقي هبل في هبل يعني أدفع فلوس عشان أخدها تاني ...هو انا خدت الفلوس اللي دفعتها اولاني أصلا "معلش الاتحاد بيطبق نظرية منكم و إليكم "

و هنا سؤال خطير جدا ....طيب كل الحفلات اللي فاتت و اللي من غير تذاكر ...كانت مش تدعيما لصندوق الطلاب ليه ؟؟؟ لانها كانت بتاخد منه مش بتديله

الفرض التاني إن الحفلة كالعادة هتبقي من غير تذاكر ...كويس خالص " يبقي ازاي هيدعموا صندوق الطلاب ؟؟؟" بيقولك المطرب هيتبرع باجره ؟؟؟ طيب مين اللي دفعلوا الاجر ؟؟ الجامعة أكيد ما هو بيغني في الجامعة ...طيب يعني الجامعة اديتوا فلوس من صندوق الطلاب و خدتها منه تاني " يبقي كسبنا احنا ايه ؟؟ " صلاة النبي يعني "

طيب لو الراجل هيغني ببلاش و ما فيش تذاكر و الجامعة مش هتديله أي حاجة من جيبها يبقي مين بقي اللي صرف فلوس علي الاعلانات اللي بالالوان و اللي اتوزعت بعشرات الالاف في الجامعة

و مين اللي كلف البانرات و منظرمة الصوتيات الضخمة اللي متأجرة بالساعات و بلاش نقول سعرها عشان الناس ما تتخضش و مين بقي اللي صرف الفلوس دي كلها ؟؟ و منين ؟؟؟

شكرا لأتحاد الجامعة و رئيس الجامعة لانهم أثبتوا للجميع أنهم لا يفكرون في مصلحة الطلاب

هو ده الحرم الجامعي اللي بنتعلم فيه ...ينفع كده ؟؟؟؟

عذرا لم تعد جامعة عين شمس في رئاسة الدكتور أحمد زكي بدر..جامعة للعلم

فقد تحولت إلي ملهي ليلي ...للرقص و قلة الادب

هذه هي الاتجاهات التي يتم فيها صرف فلوس الاتحاد من قبل الجامعة

يا تري رئيس الجامعة دخل مادة للرقص جديدة في الجامعة

عشان تطوير التعليم ....



كم تم الانفاق علي هذه الحفلات و اين هي أموال الطلاب

هل من المعقول أن تترك الجامعة بلا تطوير من أجل الحفلات و الرقص

اين رئيس الجامعة من كل هذا ؟؟؟

عفوا هذه المشاهد رغم أن ما بها مخل بالاداب ...إلا أننا اثرنا نقل هذا لنعرف إلي اي مستوي متدني

وصلت الجامعة في عاميها الاخرين ..بفضل إدارة الجامعة الرشيدة

و لا مكان للعلم و المتعلمين !!!!

ييعني ينفع كده !!!!

جامعة عين شمس ...تلك الجامعة التي لا يختلف اثنان علي مستواها العلمي ...لم تعد كذلك منذ عامين تقريبا ...فقد اصبحت سمعتها و للاسف في الارض .....فبعد أحداث البلطجة و المولوتوف لمدة عامين متتالين بالجامعة و التي اصبح اسمها جامعة البلطجية ......و بعد غلاء المصاريف و الكتب بالجامعة بقرارات من رئيس الجامعة أحمد زكي بدر ....و بعد مطالبنا بتيسير دعم الكتاب للطلاب و تطوير المعامل
إلا أن الادارة لم تعرنا أدني اهتمام .....و كأننا لسنا ابناء الجامعة و كأن أموال الطلاب حرام علي الطلاب حلال علي المطربين
عملوا حفلات في الجامعة و مش بس كده .....كمان صرفوا عليها من فلوسنا ...و لما الطلبة استنكرت ده و قالت دا تخلف ازاي يعملوا حفلات و يسيبوا الجامعة من غير تطوير ....قالوا الحفلات دي لدعم صندوق الطلبة " شوفت النكتة دي " ههههههه.....أزاي مش عارف ...

لأن ما حدش في الاتحاد برده عارف ....

وصلت بقي المسخرة أن الحفلات يبقي فيها رقص ....و مش بس رقص لا و مسخرة و قلة أدب
ووصلت قلة الادب في الحرم الجامعي " اللي المفروض بيت للعلم " لحد الاوضاع المخلة و التحرش الجنسي في الجامعة تخيلوا ............دا مش كلامي دا كلام الكاميرا ...و موثق بالفيديوهات

بداية حفلة محمد منير بالجامعة

لقطة مخلة بالاداب بين ولد و بنت

طبعا غياب تام للأمن و أنعدام تواجد ....عشان الحفلات تحت رعاية
رئيس الجامعة الدكتور أحمد زكي بدر .- فالطلبة براحتها -

شوفتوا المسخرة اللي بتتعمل بفلوسنا - دي ما بقتش جامعة -

بقت كباريه أو ملهي ليلي مش حرم جامعي

استمرارا للمهزلة و تعدي الخطوط الحمراء ...فين الحياء ؟؟

طبعا ماهو اللي يلاقي دلع و مايدلعش يبقي ايه ...!!!

كله بسبب حفلات المسخرة

عفوا لكنها الحقيقة المؤلمة في حفلات جامعة عين شمس

برعاية الدكتور أحمد زكي بدر

ليس الغرض من هذه اللقطات هو التشهير بأحد لكننا قمنا بوضع الصور من الخلف حفاظا علي ما بقي من كرامة لدي هؤلاء .....لكن من المسؤل عن كل هذا

يعني بفلوسنا بيتعمل حفلات رقص و مسخرة و قلة أدب و تحرش جنسي !!!

ليه هي فلوس حرام و لا اللي معاه قرش محيره يا بيجيب مطرب في حفلة يشخلعة !!!!

أقرؤا الفاتحة علي جامعة عين شمس

لأنها تحولت إلي كباريه عين شمس و الحضور سواريه فقط للحفلات

أضحك مع كاريكاتيرات حقي 1

اضحك ..مع كاريكاتيرات حقي 2

مجلة حقي الكاريكاتيرية ....عدد خاص جدا

لاقت مجلة حقي في عددها الجديد قبولا قويا وسط الطلاب ...و الذين كانوا مستاءين مما يحدث بالجامعة و التي تحولت من حرم جامعي إلي كباريه .....و قد جاء العدد رغم بساطته في التعبير إلي أنه حمل افكارا قوية جدا توضح مدي معاناة الطلاب و مدي سفاهة رئيس الجامعة
و مما ميز العدد أنه كان به مساحة لتعليقات الطلاب و التي جاءت معبرة جدا عن واقعهم تجاه حقلات المسخرة و الرقص في الجامعة
و التي نعدكم بنشرها قريبا علي المدونة