فين اعلان الميزانية ؟؟؟ الـ6 مليون جنيه !!!

السنة خلصت و الطلبة امتحنت و المولد أنفض كويس جدا !!!!
بس اللي مش كويس إن السنة اللي عدت ما كانش فيها اي تغيير خالص في الجامعة مقابل الزيادة الغير قانونية علي المصاريف
يعني بالبلدي ضحكوا علينا و خدوا فلوسنا

و اعتقد ان كل مؤسسة في العالم محترمة في نهاية كل سنة بتيجي و تعلن الميزانية بتاعتها و أوجه الانفاق " و طبعا دا شئ بيكسب الشكرة و المؤسسة دي مصداقية عالية جدا " الكلام دا فين ؟؟؟ في المؤسسات المحترمة بس

و بما أن جامعة عين شمس و اتحاد عين شمس " طلاب محترمين المفروض يعني " فإحنا بنطالبهم بإعلان ميزانية العام و أوجه الانفاق علي الملأ عشان نشوف الفلوس اتصرفت في ايه و الفلوس دي بتاعة " 200 الف طالب كل طالب دافع 10 جنيه اتحاد و 20 جنيه اتحاد رياضي " دا حسب قرار رئيس الجامعة " رفعه الله كمان و كمان " يعني المفروض كدا اتحاد الجامعة يورينا كشف اوجه انفاق علي الاقل " 6 مليون جنيه " دا غير الدعم اللي بتقدموا وزارة التعليم مش هنقول " 10 مليون و لا حاجة " خلينا في فلوسنا

عايزين نعرف اوجه انفاق " 6 مليون جنيه " راحوا فين و ازاي اتصرفوا علي الطلبة

أعرف حقك .....عشان ما تنضربش علي قفاك !!!

بأسلوب بسيط وبطريقة السؤال والجواب، كتب ضابط الشرطة السابق عمر عفيفى كتابه الشهير "عشان ماتتضربش على قفاك"!، فى سبيل توعية المواطنين بحقوقهم.

ومالبث ان طرح الكتاب، الا وصادرته وزارة الداخلية. وبعد مطارادت امنية لعفيفى، قرر مغادرة البلاد الى الولايات المتحدة. و قد قامت جريدة الدستور الاسبوعية بنشر فصول من الكتاب و قد تم مصادرة أكتر من 50 الف نسخة منه لما يحتوي علي معلومات بتعرف كل مواطن في البلد حقه و بتبين أن الداخلية " مش شايفة شغلها و بتشتغل المواطن "

و ايمانا منا في رابطة حقي بتوعية كل الطلاب و اسرهم في التعامل مع الشرطة نضع نسخة من هذا الكتاب الاكثر من رائع هنا

يمكن تحميل الكتاب عبر هذا الرابط

http://www.up-eibda3.com/ma7dod/ma7dood-afak-allthebook.PDF

الان حقي علي الفيس بوووووك

رابطة حقي تشق غبار المجال الاعلامي بقوة .........فقد تم إنشاء رابطة حقي علي الفيس بوووووووك للمزيد من التواصل مع طلاب جامعة عين شمس من خلال المدونة و كذلك من خلال الفيس البوك

عنوان الرابطة علي الفيس بووك
http://www.facebook.com/inbox/#/group.php?gid=12341717733