RSS Feed (xml)
الصراحة بعد ما سمعت حكاية الطالب اللبسببه رجعت مصاريف جامعة أسيوط زي ما كانت السنة اللفاتت إنكسفت على دمي
تخيلوا يا جماعة طالب إنتساب مش إنتظام بأحد كليات جامعة أسيوط لما سمع بغليان المصاريف دمه فار وصمم ياخد حقه بالقانون وخصوصا لما عرف إن اللأئحة المنظمة لقانون الجامعات بينص إن مش من حق رئيس الجامعة إنه يعمل أي زيادة مبالغ فيها أو زيادة من غير أسباب وصمم إنه يرفع القضية حتى لو لوحده وفعلا ربنا مضيعشي حقه وطلع القرار بعودة المصاريف زي ما كانت 14 جنيه بس وكان الطلبة بمجرد إنهم يمضوا ورقه بيضموا صوتهم ليه بيرجعلهم فلوسهم تخيل!!!
يا ترى هنقدر نشوف نموذج زي ده في جامعتنا ولا....بلاش نقولها لإني واثق في طلاب جامعتنا اللأكيد هيقفوا ضد الظلم ده وهيرجعو حقوقهم إن شاء الله
ليست هناك تعليقات:
إرسال تعليق