تقارير أخبارية لما حدث في يوم الطالب العالمي 21 فبراير

تقرير قناة الجزيرة لأحداث يوم الطالب العالمي " 21 فبراير2009 " 

مشاهد من داخل المسيرة الغاضبة 

 

تغطية يوم الطالب العالمي

نظمت الحركات الطلابية في ذكري يوم الطالب العالمي (21 فبراير 2009 ) مظاهرة حاشدة بجامعة القاهرة و كانت الحركات المشاركة رابطة حقي بجامعة عين شمس و القاهرة و رابطة العمل الاسلامي و طلاب الاخوان المسلمون و حركة 6 ابريل و حركة ممكن 

و قد ارتفعت اليافطات المختلفة في المسيرة متقاربة جنبا الي جنب تحمل مطالب مشتركة للطلاب بالجامعة و هي " طرد الحرس الجامعي / تقليل المصاريف و دعم الكتاب الجامعي / اجراء انتخابات طلابية نزيهة / الارتقاء بالتعليم و الجودة التعليمية و الخدمات المقدمة للطلاب " 

معرض طلاب حقي الذي اقاموه داخل جامعة القاهرة قبل المسيرة 

الطلاب يرفعون مطالبهم 

بداية انطلاق المسيرة 

التواجد الأمني الغير قانوني " رغم صدور حكم محكمة باخلاء الجامعة منهم " تبعا لقانون تنظيم الجامعات المصري

أصل أحــــنا بلد القانون 

بعض طلاب الاخوان شاركوا في المسيرة 

طلاب 6 ابريل يشاركون في المسيرة

اعضاء هيئة التدريس يشاركون الطـــلاب 

برنامج العاشرة مساءا يسجل مع الطلاب 

الحصار الامني للجامعة أكثر من 200 سيارة أمن مركزي 2000 جندي امن مركزي يحاصرون الجامعة

21 فبراير يوم الغضب الجامعي

21 فبـــــراير ..... يوم الطــــالب العالمي

تتجه فيه الأنــــظار الي مصر , ,و الي طــــلاب مصر

يا تري ليه 21 فبراير بالذات ؟؟

كان طلاب مصر في 21 فبراير ...يملأون الدنيا ضجيجا ضد المحتل
فخرج الطلاب من أنحاء الجامعات لأعلان يوم الجلاء للاحتلا البريطاني عن مصر
ووخرج الطلاب يطالبون المحتل بالخروج و انهاء الاحتلال و اشتعلت المظاهرات
للدرجة التي بدأ الاحتلال الغاشم يطلق النار علي الطلاب و يسقط شهداء من الطلبة
ثم فتح الاحتلال كوبري عباس و سقط عدد من الطلبة في النـــيل
و لكن استمرت المظاهرات اشتعالا إلي أن اجبروا المحتل علي الجلاء عن مصر

************************************************

اليــــــــــــــــــــــــوم 21 فبراير 2009

الجامعة في أسوء حالتها علي الاطلاق
فعلي المستوي العلمي : خرجت جامعتنا العريقة من افضل 500 جامعة علي العالم
و من ناحية الاخلاق : فقد وفر الدكتور احمد زكي بدر " بلطجية لتأديب الطلاب بالجامعة " و لكل من يعارض سياسته
أما المصاريف فقد زادت اضعاف مضاعفة " و انتهي عصر مجانية التعليم "
الكتب اصبحت غالية جدا " و زيادة في اعباء الطلبة بيبيعوا الدليل مع الكتاب لتأزيم المشكلة ....و لو عايزين يحلوها يبيعوا كل حاجة لوحدها لتخفيف العبء عن الطلاب
اما الانتخابات الطلابية و الاتحاد الطلابي اللي المفروض يدافع عن الطلبة ...اصلا بقي يتم تزويره و تعيينه عشان ما حدش يعترض علي اللي بتعمله الادارة فينا " يغلوا الكتب براحتهم و يرفعوا الاسعار عادي "
و لا حرس الجامعة الهمام .....تدخل في كل صغيرة و كبيرة ...في كل شئ " حتي تعيين اوائل الدفعة و كتابة تقارير امنية في الاساتذة نفسهم و ضرب بعض الطلبة و الطالبات "

يعني ما بقيناش في جامعة محترمة لها مكانتها

ألا يستدعي ذلك أن ننتفض كطلاب من جديد لنبدأ مسيرة جديدة لتحرير الجامعة من ظلم احتلال اداري اسوء من احتلال بريطاني

عشان كدا حركات طلابية كتيرة في الجامعة اليوم اتفقت علي انها تعيد احياء يوم الطلاب العالمي
منها حركة حقي و غاضبون و 6 ابريل و 9 مارس و قوي اخري

احنا لازم نشارك يا شباب كلنا في مطالبنا المهمة لنيل حريتنا المسلوبة
و لازم نصحي الوعي عند الطلبة فعلا لو كنا عايزين بلدنا و جامعتنا تنهض من جديد
دي مطالب لينا كلنا عملناها في بيان و هنوزعه كلنا في الجامعة يوم السبت ياريت كل واحد يبعته بالميل أو يحط رابط ليه في توقيعه أو يصوره كذلا نسخة و يديهم لزمايله لو عملنا كده كلنا فعلا هيبقي لينا تأثير و افتكروا أن
الصيادلة لما وقفوا مع بعض من يومين خدوا حقهم عشان كدا لازم الطلبة تقف ايد واحدة

الوجه الاول

الوجه الثاني

يوم الغضب الطلابي الجامعي

 لنجعل 21 فبراير يوما للغضب في كل جامعات مصر .. لنطالب نحن الطلاب بـ :

 

·       طرد الحرس الجامعي ويتولى حفظ الأمن داخل الحرم الجامعي إدارة الجامعة

·       تخفيض المصاريف الدراسية ومصاريف الكتاب الجامعي

·       إلغاء اللائحة الطلابية القائمة ووضع لائحة تعطي الحرية للطلبة

·       نظام تعليمي متطور يواكب العصر

إننا ندعوكم إلى وقفة احتجاجية أمام جامعة القاهرة وكل جامعات مصر في 21 فبراير الساعة الواحدة ظهر